Салауатты өмір салты — қозғалыс!

Жан-жақтан денсаулықты сақтау үшін күніне кемінде 10 000 қадам жүру керек дегенді жиі естиміз. Алайда кейбір зерттеу нәтижелері сізді таңғалдыруы мүмкін: күн сайын 5 000 және 10 000 қадам жүрудің артықшылықтары салыстырылған зерттеудің алғашқы нәтижелері үлкен санның тиімдірек екенін көрсетті. Бірақ! Бұл зерттеу бес мың мен он мың қадам аралығындағы қадам санының әсерін өлшеген жоқ. Жақында Гарвард медицина мектебінің профессоры Имин Ли әріптестерімен бірге 70 жастағы әйелдер арасында зерттеу жүргізіп, күніне жүрілген қадам саны мен өмір ұзақтығы арасындағы байланысты өлшеді. Нәтижелер 70 жастан асқан әйелдерде қадамның пайдасы 7 500-ге дейін өсіп, содан кейін оның өсуі тоқтайтынын көрсетті. Оған қоса, психология тұрғысынан «күн сайын он мың» мақсаты қол жеткізу қиын болып көрінуі мүмкін, сондықтан көпшілік оған қол сілтейді. АҚШ-тағы Дьюк университетінің психологы Джордан Эткин қанша қадам жүргенін қадағалайтын адамдардың шынымен ұзағырақ әрі алысырақ жүретінін, бірақ оларға бұл аз ұнайтынын анықтады. Олардың айтуынша, бұл жұмысқа ұқсайды. Зерттеушілер күн соңында олардың өмірге қанағаттану деңгейін тексергенде, ол қадам санына мән бермей жай серуендегендерге қарағанда төмен болды. Осының бәрінен қандай қорытынды шығады? Егер бұл сізді ынталандыратынын сезсеңіз, қадамдарды санаңыз. Бірақ есте сақтаңыз: «10 000» санында ешқандай сиқыр жоқ.